Më në fund vijnë lajme të mira për trajnerin Mirel Josa, por edhe për të gjithë tifozët e Skënderbeut. Kapiteni i bardhekuqve, Bledi Shkëmbi, do të jetë që nga minuta e parë në fushë në ndeshjen e së martës kundër Crusaders.

Numri 10 i korçarëve, për fat të mirë, ka arritur të rikuperohet në kohë, duke lënë kështu pas dëmtimin e pësuar në ndeshjen miqësore kundër LASK-ut, që i solli probleme në kavilje.

Deri pak ditë më parë një gjë e tillë nuk ka qenë e mundur të thuhej, por Shkëmbi ka zhvilluar dy seanca të plota me ekipin si dje, por edhe një ditë më parë. Kjo e ka bindur stafin mjekësor, lojtarin, por edhe numrin një të pankinës bardhekuqe, Mirel Josa se rikuperimi i kapitenit mund të quhet i plotë . /PANORAMA-SPORT/