Përgatitjet e klubit bardhekuq po vijojnë me shpejtësi për ndeshjen e parë eliminatore kundër Krusadersit. Stadiumi “Skënderbeu” është drejt përgatitjeve të fundit, ndërkohë që fasada e jashtme pritet të mbyllet deri ditën e nesërme.

Puna ka vijuar edhe me ndërrimin e të gjitha stolave të dëmtuar nga sezoni i kaluar, si dhe me rikthimin e tribunës së gazetarëve me rreth 25 vende. Nga ana tjetër, edhe ora elektronika pas gati një viti e prishur është rregulluar në kohë rekord dhe do të jetë gati për ndeshjen e së martës.

Gjithashtu, edhe tribuna e miqve do të jetë në dispozicion të plotë për tifozët irlandezo-veriorë. Me një shkresë zyrtare ata kanë bërë me dije se do të jenë të pranishëm rreth 40 veta në stadiumin “Skënderbeu”. /Panorama Sport/